Новите поставки овозможуваат Shorts feed-от целосно да се блокира на надгледуваните профили, или да се дефинира колку време дневно детето може да помине гледајќи кратки видеа. Кога ќе се достигне лимитот, пристапот до Shorts содржината автоматски се запира, без дополнителни предупредувања или можност за заобиколување на системот.
YouTube ќе им овозможи на родителите и да постават прилагодени потсетници за време на легнување и паузи при гледање, кои ги поттикнуваат корисниците да престанат со гледањето видео содржина. Овие опции ќе бидат достапни и за возрасните, кои ќе можат самостојно да ги дефинираат сопствените лимити и потсетници.
За родителите кои и самите користат YouTube, често не е едноставно постојано да се префрлаат меѓу сопствениот профил и детскиот профил освен ако не сакаат алгоритмот засекогаш да им остане „заробен“ со цртани како Bluey. Во наредните недели, YouTube најавува унапредување на процесот на пријавување во рамки на апликацијата, за родителите и децата полесно да можат да се префрлаат меѓу профили со само неколку допири на екрано под услов, секако, некој навистина да се сети да ја направи таа промена.
Оваа промена доаѓа како одговор на сè почестите критики дека кратките видео формати негативно влијаат врз вниманието и навиките на помладите корисници. За разлика од претходните алатки, кои најчесто се сведуваа на општи временски лимити или потсетници за пауза, новата опција овозможува прецизна контрола токму над форматот кој најчесто води до неконтролирано скролање, пишува TechCrunch.
Со овој потег, YouTube испраќа порака дека родителската контрола повеќе не е само дополнителна опција, туку клучен дел од платформата, особено во време кога кратката видео содржина доминира во дигиталните навики на најмладите.
Извор: web-mind.rs
